Минхен

Минхен со посета на прекрасните БАВАРСКИ ДВОРЦИ

14. Март (Среда) СКОПЈЕ - МИНХЕН Состанок на групата на паркингот спроти хотел Holiday Inn во 14.00. Тргнување за Минхен во 14.30 часот. Патувањето продолжува преку Србија, Унгарија и Австрија со попатни паузи за одмор. Ноќно возење.

15. Март (Четврток) МИНХЕН – ДВОРЕЦОТ НИМФЕНБУРГ Пристигнување во Минхен во претпладневните часови. Панорамски разглед на градот: Карлсплац, Мариенплац, пазарот Виктуалиенмаркт, Леолподовата улица, Старата и Нова Пинакотека, Каролиниот плоштад со обелискот, Карловиот плоштад, Црквата Св. Михаел, Фраункирхе, Старата градска куќа (Ратхаус), Кралската пивница, Музејот на BMW, Олимпискиот комплекс, Фудбалската арена Алианс, Музејот на Германија... Сместување во хотел. Прошетка до барокниот дворец Нимфенбург, кој се наоѓа во близина на центарот на Минхен и обиколка на раскошните градини на летната резиденција на Баварските владетели. Ноќевање.

16. Март (Петок) ДВОРЕЦОТ НОЈШВАНШТАЈН – ДВОРЕЦОТ ЛИНДЕРХОФ - ОБЕРАМЕРГАУ Појадок. Посета на бајковитиот дворец Нојшванштајн, изграден на карпа, во стилот на старогерманските витешки замоци. Овој дворец е инспирација на Волт Дизни за изработување на препознатливата “шпица” на бројни цртани филмови. Посетата продолжува кон најрепрезентативниот Линдерхоф - дворец на Лудвиг II, изграден во времето на Максимилијан II, за потребите за лов на Кралското семејство. Подоцна Лудвуг II, искажувајќи ја максимално својата екстраваганција, овој дворец го преуредил во “рококо” стил и целосно ги позлатил своите одаи. По разгледот на средновековните раскошни дворци, прошетката продожува кон градот Фусен и романтичниот Хоенлос или Оберамергау – место познато по традиционалната манифестација “Христовото Страдание на патот на Голготата”, во која припрема учествуваат сите мештани. Враќање во хотел во вечерните часови. Ноќевање.

17. Март (Сабота) ДВОРЕЦОТ ХЕРЕНКИМЗЕ Појадок. Посета на најголемото баварско езеро Кимзе и возење со брод до “машкиот остров” Херенинсел. Во низата на раскошни палати на екстравагантниот крал Лудвиг II, палатата Херенкимзе во рококо стил, е последна подигната на островот, по моделот на Дворецот Версај. Слободно време за индивидуални прошетки и активности. Враќање во хотел во попладневните часови. Вечерта, факултативна посета на една од најпознатите пивници во Европа, со традиција стара 400 години, со традиционалната Баварска храна, Баварско пиво и плех музика. Ноќевање.

18. Март (Недела) МИНХЕН – ИНЗБРУК – САЛЗБУРГ - СКОПЈЕ Појадок. Поаѓање за Инзбрук, главниот град на покраината Тирол и град домаќин на Зимските Олимписки игри во 1964 и 1976 година. Можност за посета на волшебниот Музеј на кристалниот свет на Сваровски во Ватенс. Поаѓање за Салзбург во пладневните часови. Разглед на градот на Моцарт: дворецот Мирабел, Моцартовата куќа, улицата Гетреидегасе, Стариот Плоштад, Моцартовиот Плоштад, Салзбуршката катедрала (во која е крстен Моцарт), надбискупската резиденција, Кулата со прочуените немузикални звона, најстарата кафана во Европа од VIII век. Слободно време за посета на слаткарница со познатите Салзбуршки колачи и Моцарт кугли. Тргнување за Македонија. Ноќно возење со кратки попатни паузи. Пристигнување во Скопје наредниот ден во пладневните часови.

ЦЕНА НА АРАНЖМАНОТ: 219 евра (13.500 денари)

ВО ЦЕНАТА НА АРАНЖМАНОТ Е ВКЛУЧЕНО:
- Превоз со модерен туристички автобус на наведената релација
- Сместување во Хотел 3* во Минхен на база 3 ноќевања со појадок
- Организиран разглед на Минхен
- Разгледи на Дворците Нимфенбург, Нојшванштајн, Линдерхоф и Херенкимзе според програмата
- Прошетка низ Инзбрук
- Посета и организиран разглед на Салзбург
- Организација на аранжманот и придружник на патувањето
ВО ЦЕНАТА НА АРАНЖМАНОТ НЕ Е ВКЛУЧЕНО:
- Влезници во Дворците Нимфенбург, Нојшванштајн, Линдерхоф и Херенкимзе и карта за брод по езерото Кимзе (вкупно 45 евра)
- Вечера во традиционална Баварска пивница
- Влезница во Музејот на Сваровски 11 евра
- Патничко-здравствено осигурување 300 денари
НАПОМЕНИ:
- За реализација на аранжманот е потребен минимум од 45 патници
- За овој аранжман важат Општите услови за патување на СКТМ
Цените се дадени во евра, уплата се врши исклучиво во денарска противвредност по курс 1евро = 62 денари